თოვლის გამო გზებზე შეზღუდვები დაწესდა

დიდთოვლობის გამო გზებზე გარკვეული შეზღუდვებია დაწესებული, - ამის შესახებ ინფორმაციას საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ავრცელებს.
ყველა სახის ავტოტრანსპორტის მოძრაობა საერთოდ აკრძალულია  ქუთაისი (საღორია)-ბაღდათი-აბასთუმანი-ბენარას საავტომობილო გზის საირმე-აბასთუმანის (კმ52-კმ90) მონაკვეთზე. ასევე, ფშაველი-აბანო-ომალოს საავტომობილო გზის კმ18-კმ72 მონაკვეთზე.
რამდენიმე მონაკვეთზე კი დილიდან შეზღუდვები იყო დაწესებული. კერძოდ, მცხეთა–სტეფანწმინდა–ლარსის საავტომობილო გზის გუდაური (ფოსტა)–კობის მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტისა და 30 ადგილზე მეტი ტევადობის ავტობუსების მოძრაობა. ამ დროისთვის კი ამ მონსკვეთზე ყველანაირი შეზღუდვა მოხსნილია.